بغداد(پاک ترک نیوز )عراق کے صدر نزار آمیدی نے امریکی صدر ڈونلڈ ٹرمپ سے ایران جنگ ختم کرنے اور مشرقِ وسطیٰ میں امن کے قیام کے لیے کردار ادا کرنے کی اپیل کر دی۔امریکی ذرائع ابلاغ سے گفتگو کرتے ہوئے عراقی صدر نزار آمیدی نے کہا کہ ڈونلڈ ٹرمپ عالمی جنگیں ختم کرانے سے متعلق اپنے انتخابی وعدے پورے کریں اور جنگوں کے خاتمے کے اپنے مؤقف پر واپس آئیں۔
عراقی صدر کا کہنا تھا کہ ڈونلڈ ٹرمپ مشرقِ وسطیٰ میں امن لانے کے لیے نہایت اہم شخصیت ہیں اور وہ ایران جنگ ختم کرکے نہ صرف خطے بلکہ پوری دنیا میں امن و خوش حالی کے راستے کھول سکتے ہیں۔نزار آمیدی نے کہا کہ امریکی صدر کو جنگیں ختم کرنے اور تنازعات کے پُرامن حل کے اپنے وعدے پر عمل کرنا چاہیے۔
یہ بھی پڑھیں: سونے اور چاندی کی قیمتوں میں بڑی کمی
نزار آمیدی نے کہا کہ امریکی صدر کو جنگیں ختم کرنے اور تنازعات کے پُرامن حل کے اپنے وعدے پر عمل کرنا چاہیے۔انہوں نے یاد دلایا کہ ڈونلڈ ٹرمپ کا جنگیں ختم کرانے کا مؤقف صرف مشرقِ وسطیٰ تک محدود نہیں تھا بلکہ اس میں روس اور یوکرین جنگ سمیت دنیا کے دیگر تنازعات کا خاتمہ بھی شامل تھا۔












