اسلام آباد ( پاک ترک نیوز) گزشتہ دو سال کے دوران 13 مختلف ممالک میں 799 پاکستانی ورکرز مختلف حادثات میں جاں بحق ہوئے، رپورٹ میں اموات اور متاثرہ خاندانوں کو دی جانے والی مالی معاونت کی تفصیلات سامنے آگئی ہیں۔رپورٹ کے مطابق سعودی عرب میں 575، متحدہ عرب امارات میں 104، ملائیشیا میں 35 اور لیبیا میں 13 پاکستانی ورکرز جان کی بازی ہار گئے۔قطر میں 19، عمان میں 16، برطانیہ میں 10، بحرین میں 9 اور ترکی میں 6 پاکستانی ورکرز جاں بحق ہوئے۔رپورٹ کے مطابق اسپین میں 3، جبکہ اٹلی اور جرمنی میں 2،2 پاکستانی ورکرز مختلف حادثات میں جاں بحق ہوئے۔
یہ بھی پڑھیں: وفاقی حکومت کی دھمکیوں سے خوفزدہ نہیں ہوں گے ، شفیع جان
دوسری جانب بیرونِ ملک جاں بحق ہونے والے پاکستانیوں کے خاندانوں کو مالی معاونت بھی فراہم کی گئی۔رپورٹ کے مطابق 3 ہزار 488 خاندانوں کو ایک ارب 30 کروڑ روپے ادا کیے گئے، جبکہ پاکستانی مشنز ریاض، ابوظہبی، دبئی، قطر، کویت اور بحرین کی کوششوں سے بھی واجب الادا رقوم متاثرہ خاندانوں کو دلوائی گئیں۔رپورٹ کے مطابق پاکستانی مشنز نے 294 خاندانوں کو 75 کروڑ 32 لاکھ 90 ہزار روپے کی ادائیگی بھی یقینی بنائی۔
