از : سہیل شہریار
تربیلا پن بجلی گھر کی توسیع کا پانچواں منصوبہ تسلی بخش طور پر آگے بڑھ رہا ہےجس کی تعمیر جون 2027 میں منصوبہ بندی کے مطابق مکمل ہونے کی توقع ہے۔
تربیلا کا پانچواں توسیعی منصوبہ ایک بڑا پن بجلی گھر ہے جس کی پیداواری صلاحیت 1530 میگاواٹ ہے اور اس سےجون 2027 میں بجلی کی باقاعدہ پیداوار شروع ہونے کا ہدف مقرر ہے۔ اس کی تکمیل سے تربیلا ڈیم کی مجموعی پیداواری صلاحیت 6418 میگاواٹ ہو جائے گی۔یہ منصوبہ تربیلا ڈیم کی سرنگ نمبر 5 پر تعمیر کیا جا رہا ہے اور اس کا مجموعی تعمیراتی کام 90 فیصد سے زائد مکمل ہو چکا ہے۔یہ منصوبہ مکمل ہونے کے بعد نیشنل گرڈ کو ہر سال 1 ارب 46 کروڑ یونٹ سستی اور ماحول دوست پن بجلی فراہم کرے گا۔منصوبے پر ابتدائی تخمینے میں اضافے کے باعث عالمی بینک390 ملین ڈالر اور ایشین انفراسٹرکچر انویسٹمنٹ بینک300 ملین ڈالر کی اضافی مالی معاونت فراہم کر رہے ہیں۔یہ منصوبہ گلوبل کاربن کونسل (جی سی سی) سے رجسٹرڈ ہونے والا پاکستان کا پہلا پن بجلی منصوبہ ہے۔ جس سے کاربن کے اخراج میں سالانہ تقریباً 5 لاکھ 65 ہزار ٹن کمی واقع ہوگی۔
عالمی بینک کی تازہ ترینعمل درآمد کی صورتحال اور نتائج کی رپورٹ (آئی ایس آر) میں بتایا گیا ہے کہ منصوبے کے ترقیاتی ہدف کو حاصل کرنے کی جانب مجموعی پیش رفت قابل ستائش ہے۔ ساتھ ہی پاکستان کی بجلی کی پیداواری صلاحیت میں پائیدار توسیع کیگنجائش کوتسلی بخش قرار دیا گیا ہے۔
رپورٹ میں مجموعیرسک کی درجہ بندی زیادہ ہونے کے باوجود مجموعی طور پر عمل درآمد کی پیشرفت کے تسلی بخش درجہ بندی برقرار رکھنے پر اطمینان کا اظہا کیا گیا ہے ۔سرکاری دستاویزات سے پتہ چلتا ہے کہ تربیلا کے پانچویں توسیعی منصوبہتعمیر کےآخری مرحلے میں ہے۔ اور جون کے ہدف کے مقابلے میں جولائی 2027 میںپاور جنریشن کے شروع ہونے کی توقع ہے۔
دستاویزات میں کہا گیا ہے کہ پانچویں توسیعی منصوبےکی تکمیلی ٹنل تربیلا ڈیم کے محفوظ آپریشن کے لیے ضروری ہے۔ جو کہ آبپاشی اور بجلی کی پیداوار کے لیے پاکستان کا سب سے اہم بنیادی ڈھانچہ ہے۔ چنانچہ اس کام کے لئے عالمی بنک سے 390ملین ڈالر کے اضافی فنڈز مانگے گئے ہیں۔اورٹی5ایچ ایف کے تحت مطلوبہ نتائج کے حصول میں مدد کے لیے مجوزہ اضافی فنڈنگعالمی بینک کی جانب سے سرمایہ کاری کی آخری قسط ہوگی۔ٹی5ایچ ایف کے لیے موجودہ فنانسنگ میں واپڈا سے ایکویٹی سرمایہ کاری کے ساتھ ایشین انفراسٹرکچر انویسٹمنٹ بینک (اے آئی آئی بی) سے 300 ملین ڈالر کا شریک فنانسنگ قرض بھی شامل ہے۔
یہ اضافی قرض اس لیے طلب کیا گیا ہے کیونکہ ہائیڈرو پاور کے حصے کے تحت سول ورکس کی لاگت میں نمایاں اضافہ، زیادہ مقدار میں تعمیراتی کام، ٹنل 5 میں گیٹس کی تبدیلی اور بحالی کی ضرورت، اور تعمیر کے دوران جمع ہونے والے سود کی ادائیگی کے لئے رقم درکار تھی ۔
1530میگا واٹ پن بجلی کےتربیلا 5توسیعی منصوبے میں پاور ہاؤس اور تربیلا آبی ذخائر کی ٹنل 3 اور 4 میں ترمیم شامل ہیں۔ اس سے پہلے تربیلا4توسیعی منصوبہ مکمل ہو چکا ہے اور 2018 سے کام کر رہا ہے۔
