سڈنی میں فائرنگ کے وقت خوفناک منظر تھا ، فیملی کیساتھ ریسٹورنٹ میں بند ہو گیا ، مائیکل وان

سڈنی (پاک ترک نیوز) آسٹریلیا کے شہر سڈنی کے ساحل پر فائرنگ کے وقت انگلینڈ کے سابق کپتان مائیکل وان بھی جائے وقوعہ سے تھوڑے سے فاصلے پر موجود تھے۔
انگلش سابق کپتان مائیکل وان کا کہنا ہے کہ میں بھی وہاں موجود تھا ، حملے کے بعد ریسٹورنٹ کا باؤنسر ہاتھ میں گن پکڑے میرے پاس آیا اور مجھے اندر جانے کا کہا، ہم حملے سے چند سو قدموں کے فاصلے پر تھے۔
مائیکل وان کا کہنا تھا کہ ریسٹورنٹ میں بند ہونا بہت خوفناک تھا، ایمرجنسی فورسز اور دہشتگردوں کیساتھ لڑنے والے کا شکریہ ادا کرتا ہوں۔
مائیکل وان نے کہا کہ سائرن کی آواز اکثر شارک کے حملے یا 2 نوجوانوں کی لڑائی کی وجہ سے سننے میں آتی ہے، ہمیں جلد پتہ چل گیا کہ یہ فائرنگ کا واقعہ ہے، بہت خوفناک منظر تھا۔
سابق انگلش کپتان نے کہا کہ ہم 6 لوگ تھے، میں میری اہلیہ، اس کی بہن، میری دو بیٹیاں اور ان کی سہیلی تھی، میں خود کو جتنا پُرسکون رکھ سکتا تھا اتنی میں نے کوشش کی۔