لاہور ،طالبات کی بس پر فائرنگ کا ملزم مقابلے میں مارا گیا

لاہور(پاک ترک نیوز ) لاہور میں ملتان روڈ پر نجی کالج کی طالبات کی بس پر فائرنگ کا مرکزی ملزم مقابلے میں مارا گیا۔ملزم عمر خالد سی سی ڈی اقبال ٹاؤن کیساتھ مقابلے میں ہلاک ہوا۔عمر خالد نے 28 نومبر 2023 میں تفریحی دورے پر جاتی لڑکیوں کی بس پر فائرنگ کی تھی ،پولیس کے مطابق فائرنگ کی زد میں آکر عائشہ نام کی طالبہ سر پر گولی لگنے سے مفلوج ہوئی،فائرنگ سے دو طالبات زخمی بھی ہوئیں ۔ ملزم جیل سے رہا ہوکر منشیات فروشی سمیت سنگین جرائم میں ملوث رہا ۔ملزم کی گرفتاری کے دوران 8 منٹ تک فائرنگ کا تبادلہ ہوا ۔ملزم کی فائرنگ سے پولیس اہلکار نقاش زخمی ہوا،ملزم کی فائر کی گئی گولی پولیس اہلکار کی بلٹ پروف جیکٹ پر لگی ۔ دو طرفہ فائرنگ میں ملزم عمر خالد مارا گیا ۔ہلاک ملزم عمر خالد کے چار ساتھی موٹر سائیکلوں پر فرار ہوگئے ۔ملزم کی لاش پوسٹمارٹم کے لیے منتقل کردی گئی