ڈھاکہ(پاک ترک نیوز ) بنگلہ دیش میں شہری بھارتی سرپرستی میں پھیلنے والی دہشت گردی کے خلاف احتجاج کرتے ہوئے بھارتی سرحد تک پہنچ گئے۔
بنگلہ دیش اور ہندوستان کے درمیان سب سے بڑے لینڈ پورٹ پیٹراپول پر احتجاج کے باعث الرٹ جاری کر دیا گیا، بنگلہ دیش کی جانب سے پیٹراپول کے قریب عوام نے ’’نو مینز لینڈ‘‘ میں داخل ہو کر بھارت مخالف نعرے لگائے۔
نوجوان رہنما شریف عثمان ہادی کی موت کے بعد پورٹ کے علاقے بیناپول میں ہندوستانی ٹرک ڈرائیور کے لیے بھی الرٹ جاری کر دیا گیا، بنگلہ دیش میں مظاہرین نے ہندوستان کے اسسٹنٹ ہائی کمشنر کی چٹاگانگ رہائش گاہ کے باہر بھرپور احتجاج کیا۔
واضح رہے کہ سیاسی کارکن عثمان ہادی کو بھارت کے فون نمبرز سے قتل کی دھمکیاں دی گئی تھیں اور انہیں قتل کر کے فرار ہونے والوں کو سرحد پار کرتے ہوئے بھارت میں جاتے بھی دیکھا گیا تھا۔
بنگلہ دیشی وزارتِ خارجہ نے بھارت سے عثمان ہادی پر قاتلانہ حملہ میں ملوث افراد کو حوالہ کرنے کا مطالبہ کیا تھا۔
خطہ میں عدم استحکام، ریاستی دہشت گردی اور اندرونی مداخلت کرنا بھارت کا پرانا وطیرہ رہا ہے، بنگلہ دیش کے عوام قاتلوں کے سرپرست مودی کی تمام سازشوں کو بخوبی جان چکے ہیں اور اس کی سفاکیت کے خلاف برسرِ پیکار ہوگئے ہیں۔
بنگلہ دیش میں بھارتی مداخلت اور قاتلوں کی سرپرستی کے خلاف احتجاج میں شدت
