پیرس (پاک ترک نیوز )فرانسسیسی وزیراعظم نے شورش زدہ شہروں میں مقامی میئرز کو جزوی کرفیو نافذ کرنے کا اختیار دے دیا۔
کرفیو نافذ کرنے کا فیصلہ ہنگاموں اور لوٹ مار کے واقعات کے بعد کیا گیا،ہنگامہ آرائی اور تشدد کے الزام میں گرفتار 80 فیصد افراد کو فوجداری الزامات کا سامنا کرنا پڑ رہا ہے۔
فرانسیسی وزیراعظم سیباستین لیکورنو نےعدم استحکام کا ذمہ دار انتہائی بائیں بازو کے شدت پسند گروہوں کو ٹھہرا دیا ،کہاعوام جاننا چاہتے ہیں کہ ہمارے ملک میں پرتشدد واقعات کیسے ہوئے۔
فرانسیسی صدر نے کہا اگلے سال ہونے والے صدارتی انتخابات سے قبل ملک کو غیر مستحکم کرنے کی کوشش کی جا رہی ہے۔
یہ بھی پڑھیں : فرانس کا چھٹی نسل کے جنگی طیارے کی تیاری اکیلے آگے بڑھانے کا فیصلہ، رافیل ایف فائیو جوہری دفاع کا اہم سہارا بن گیا
فرانس میں پرتشدد مظاہروں کے درمیان ہزاروں افراد کو گرفتار کیا جا چکا ہے ،مظاہرین نے کئی عمارتوں کو آگ لگائی ،فرانس کے شہر لیموج میں طلبہ کے احتجاج کے دوران ایک تاریخی سٹی ہال میں آگ لگنے سے عمارت کو بڑے پیمانے پر نقصان پہنچا
یہ عمارت 143 برس سے شہر کی تاریخی شناخت کا حصہ تھی اور دوسری جنگِ عظیم کے دوران نازی قبضے کے زمانے میں بھی اہم کردار ادا کرچکی تھی۔
