ڈیزل سے بجلی بنائی تو سو روپے یونٹ ہو گی ،وزیر توانائی

اسلام آباد (پاک ترک نیوز)وفاقی وزیر توانائی سردار اویس لغاری نے بجلی کی لوڈ شیڈنگ پر عوام سے معافی مانگ لی ،کہتے ہیں بجلی کی لوڈ شیڈنگ سے متعلق حقائق عوام کے سامنے رکھنا لازم ہیں ،ہمارے حالات ایسے ہیں کہ کنٹرول میں کچھ نہیں ،ہمیں مجبوری میں لوڈ شیڈنگ کے گھنٹوں میں اضافہ کرنا پڑا ۔یکم اپریل سے ایل این جی کی سپلائی میں تعطل آیا ،گزشتہ سال پن بجلی اپریل میں 3 ہزار دو سو میگا واٹ تھی،ایک ہزار 500 میگاواٹ پن بجلی کی وجہ سے ہے پانی صرف بجلی پیدا کرنے کے لیے ریلیز نہیں ہو سکتا ،اس وقت 4000 میگا واٹ کا شارٹ فال ہے۔پیک ڈیمانڈ 20000 میگا واٹ تک پہنچ چکی ہے ساڑھے 16 ہزار میگاواٹ سے زائد ڈیمانڈ پر ایل این جی کی ضرورت ہوتی ہے یہ عارضی حالات ہیں ، گیس آئے تو حالات بہتر ہوں گے ،گیس ہوتی تو پن بجلی کے شارٹ فال کو گیس سے پورا کیا جا سکتا ہے۔کے الیکٹرک اور حیسکو میں لوڈ شیڈنگ نہیں ہو رہی ،ایل این جی اگر آج خریدی جائے تو مئی تک ڈیلیور نہیں ہو سکتی ،جنگ کے اثرات ہیں ڈیزل کے پلانٹ بھی چلائے جا سکتے ،ڈیزل پلانٹ اگر چلائے جائیں تو سو روپے یونٹ بجلی کی قیمت ہو گی ،امریکہ اور ایران کی جنگ ہمارے بس میں نہیں ہے ۔آج کی رات کل کی رات سے کم لوڈ شیڈنگ ہو گی