پہلا ون ڈے : جنوبی افریقہ کی پوری ٹیم آئوٹ ،پاکستان کو جیت کیلئے 264رنز کا ہدف

فیصل آباد ( پاک ترک نیوز) تین میچوں پر مشتمل سیریز کے پہلے ایک روزہ میچ میں جنوبی افریقہ کی پوری ٹیم 263بنا کر آئوٹ ہو گئی ۔ پاکستان کو جیت کیلئے 264رنز کا ہدف ملا ہے ۔
تفصیلات کے مطابق فیصل آباد کے اقبال سٹیڈیم میں کھیلے جا رہے پہلے ایک روزہ میچ میں پاکستان نے ٹاس جیت کر پہلے فیلڈنگ کا فیصلہ کیا ۔ جنوبی افریقہ کی پوری ٹیم 49.1اوورز میں 263رنز بنا کر پویلین لوٹ گئی۔
جنوبی افریقہ کی جانب سے کوئٹن ڈی کاک نے 63،پٹوریس 57،کپتان برٹیکز نے 42رنز سکور کئے ۔
پاکستان کی جانب سے نسیم شاہ اور ابرار احمد نے تین تین جبکہ صائم ایوب نے دو کھلاڑیوں کو پویلین کی راہ دکھائی ۔
واضح رہے کہ سیریز کا دوسرا ایک روزہ میچ 6جبکہ تیسرا اور آخری 8نومبر کو فیصل آباد میں ہی کھیلا جائے گا ۔
اس سے قبل پاکستان نے جنوبی افریقہ کو ٹی ٹونٹی سیریز دو ایک سے اپنے نام کی تھی جبکہ ٹیسٹ سیریز ایک ایک سے برابر رہی تھی ۔