دوحہ ( پاک ترک نیوز) وزیراعظم شہباز شریف نے قطر کے دورے کے دوران نائب وزیراعظم و وزیر دفاع سے اہم ملاقات کی جس میں دفاع اور سکیورٹی کے شعبوں میں دوطرفہ تعاون کو مزید وسعت دینے پر تبادلہ خیال کیا گیا۔
وزیراعظم شہباز شریف نے دفاعی تعاون کومزید مضبوط بنانے کیلئے پاکستان کےعزم کا اعادہ کیا جبکہ قطری قیادت نے بھی دفاعی شراکت داری کو گہرا کرنے میں اپنی دلچسپی ظاہرکی، ملاقات میں ایران اورافغانستان کی موجودہ صورتحال پربھی تفصیلی گفتگوکی گئی۔
وزیراعظم نے قطرکے وزیر مملکت برائے بیرونی تجارت سے بھی ملاقات کی جس میں دوطرفہ تجارت، سرمایہ کاری اور معاشی تعاون کے فروغ پر تبادلہ خیال ہوا۔
دونوں ممالک نے رمضان المبارک کے دوران مشترکہ ٹاسک فورس کا اجلاس بلانے پر اتفاق کیا تاکہ تجارتی روابط کوعملی شکل دی جا سکے۔
وزیراعظم سے قطربزنس مین ایسوسی ایشن کے وفد نے بھی ملاقات کی اس موقع پر دونوں ممالک کے کاروباری اداروں اورسرمایہ کاروں کے درمیان روابط آسان بنانے اور نجی شعبے کے تعاون کو فروغ دینے پراتفاق کیا گیا۔
یہ ملاقاتیں پاکستان اورقطر کے درمیان قریبی تعلقات کے مزید استحکام کی عکاس ہیں۔
وزیراعظم کی قطر میں اعلیٰ قیادت سے ملاقاتیں، دفاعی و تجارتی تعاون بڑھانے پر اتفاق
