صدر مملکت اور وزیراعظم کا سکیورٹی فورسز کو خراج تحسین

اسلام آباد ( پاک ترک نیوز) صدرمملکت اور وزیراعظم نے 13 خارجیوں کو ہلاک کرنے پر سکیورٹی فورسز کو خراج تحسین پیش کیا ہے۔
صدر آصف علی زرداری نے کہا وطنِ عزیز سے بیرونی پشت پناہی میں سرگرم دہشت گردی کے مکمل خاتمے کیلئے قومی عزم غیر متزلزل ہے ۔
وزیراعظم شہبازشریف نے کہا ملک کی حفاظت کےلیے سکیورٹی فورسز دہشتگردی کےخلاف سیسہ پلائی دیوار کی مانند ہیں، حکومت ملک سے دہشتگردی کے مکمل خاتمے کےلیے پر عزم ہے۔
وزیر داخلہ محسن نقوی نے کہا قوم سیکورٹی فورسز کے شانہ بشانہ کھڑی ہے، فتنہ الخوارج کے دہشتگردوں کا انجام عبرتناک موت ہے۔ دہشتگردوں اور پشت پناہی کرنے والوں کو کسی صورت نہیں چھوڑیں گے۔