لاہور (پاک ترک نیوز) پاکستان اورسائوتھ افریقہ کے درمیان پہلا ٹیسٹ میچ فیصلہ کن مرحلے میں داخل ہوگیا ۔
لاہور کے قذافی سٹیڈیم میں کھیلے جا رہے پہلے ٹیسٹ میچ میں پاکستان کو جیت کیلئے 8وکٹیں درکار ہیں جبکہ جنوبی افریقہ مزید 226رنز کی ضرورت ہے ۔
https://www.youtube.com/watch?v=xoJKOeV98ok
کھیل کے تیسرے روز کے اختتام پر جنوبی افریقہ نے 2وکٹوں کے نقصان پر 51ر نز بنا لئے ہیں۔ ریکلٹن 29جبکہ ٹونی ڈی زورزی 16رنز بنا کر کریز پر موجود ہیں ۔
پاکستان نے دوسری اننگز میں 167رنز بنائےتھے اور جنوبی افریقہ کو جیت کیلئے 277رنز کا ہدف دیا تھا ۔ جنوبی افریقہ کے کپتان ایڈن مارکرم 3رنز بنا کر آئوٹ ہوئے جبکہ دوسرے آئوٹ ہونیوالے جنوبی افریقی بلے باز ویان ملڈر تھے جو بغیر کوئی رن بنائے پویلین لوٹ گئے ۔ پاکستان کی جانب سے نعمان علی نے دونوں وکٹیں اپنے نا م کیں۔
اس سے قبل پاکستان نے پہلے ٹیسٹ میچ میں ٹاس جیت کر پہلے بیٹنگ کی تھی اور پہلی اننگز میں 378رنز سکور کئے تھے جس کے جواب میں سائوتھ افریقہ اپنی پہلی اننگز میں 269رنز بنا سکی تھی ۔
https://www.youtube.com/shorts/kcPWBFFxx5c
واضح رہے کہ سیریز کا دوسرے اورآخری ٹیسٹ میچ کا آغاز 20اکتوبر سے ہو گا جو راولپنڈی میں کھیلا جائے گا ۔
