نئی دہلی ( پاک ترک نیوز) بھارت میں ایندھن بحران شدت اختیار کر گیا، پٹرول پمپوں پر رش بڑھ گیا ،مودی حکومت نے پٹرول پمپوں پر پولیس تعینات کر دی ۔
بھارت میں پیٹرولیم مصنوعات کی شدید قلت کے باعث شہریوں کی لمبی قطاریں لگی ہوئی ہیں ، نااہل بی جے پی حکومت کی ناقص منصوبہ بندی اور توانائی پالیسی کی سنگین ناکامی بے نقاب ہو گئی ۔
رپورٹس کے مطابق بھارت میں ایندھن کی شدید قلت کے باعث بھارتی شہریوں میں خوف و ہراس بڑھ چکا ہے بڑے شہروں میں میں پیٹرول پمپس پر لمبی قطاریں لگ چکی ہیں ،صورتحال کو قابو میں رکھنے کیلئے پولیس تعینات کر دی گئی ۔
بھارتی شہریوں کا کہنا ہے گزشتہ 24 گھنٹوں سے یہاں لمبی قطاریں لگی ہیں، لوگ دن رات پیٹرول پمپس پر انتظار کر رہے ہیں۔۔ عوامی حلقوں میں حکومتی پالیسیوں پر سخت تنقید کی جا رہی ہے۔
ماہرین کا کہناہے پیٹرولیم بحران پر بھارتی عوام میں پھیلنے والا خوف دراصل حکومتی نااہلی، ناقص منصوبہ بندی اور بروقت فیصلوں کی کمی کا نتیجہ ہے ،مودی کی نااہلی کے باعث بھارتی معیشت کوتوانائی بحران،کرنسی پر دباواورترسیلات زر میں کمی جیسے سنگین مسائل کا بھی سامنا ہے،ایران کے ساتھ بھارت کا دوغلہ رویہ بھارت میں توانائی بحران کی صورت میں سامنے آرہا ہے۔ ماہرین کے مطابق اگر فوری اقدامات نہ کیے گئے تو یہ بحران نہ صرف عوام بلکہ معیشت کے لیے بھی خطرناک ثابت ہو سکتا ہے
