نیو یارک ( پاک ترک نیوز) امریکی مڈٹرم انتخابات کے نتائج کے بعد عالمی منڈی میں خام تیل کی قیمتیں گر گئیں، مختلف اقسام کے خام تیل کی قیمتوں میں نمایاں کمی ریکارڈ کی گئی۔امریکی خام تیل ڈبلیو ٹی آئی کی قیمت 7 فیصد کمی کے بعد 88 ڈالر فی بیرل پر آگئی۔برینٹ خام تیل بھی تقریباً 9 فیصد سستا ہوگیا، جس کے بعد اس کی قیمت 94 ڈالر فی بیرل ہوگئی۔
یہ بھی پڑھیں: امریکا کی ایران سے تعلق کا الزام ، بھارتی ، ترک کمپنیوں اور افراد پر نئی پابندیاں عائد
دوسری جانب اماراتی مربن خام تیل کی قیمت میں ڈیڑھ فیصد کمی ریکارڈ کی گئی، جس کے بعد نئی قیمت 100 ڈالر فی بیرل ہوگئی۔عالمی منڈی میں تیل کی قیمتوں میں کمی کے اثرات آئندہ پٹرولیم مصنوعات کی مقامی قیمتوں پر بھی مرتب ہونے کا امکان ہے۔
