ڈھاکہ ( پاک ترک نیوز) ساف فٹبال چیمپیئن شپ میں آج پاکستان اور بھارت کی ٹیمیں ڈھاکا میں مدمقابل ہوں گی، روایتی حریفوں کے درمیان مقابلے سے قبل دونوں ٹیموں کے کپتانوں اور کوچز نے کھیل کی اسپرٹ کا مظاہرہ کرتے ہوئے مثبت پیغامات دیے ہیں۔ڈھاکا میں پریس کانفرنس کرتے ہوئے بھارتی کپتان نیتھن روڈریگیز نے کہا کہ دونوں ٹیموں کے کھلاڑی میچ سے پہلے اور بعد میں ایک دوسرے سے ہاتھ ملائیں گے۔
یہ بھی پڑھیں: ایران جنگ، مہنگائی اور بے روزگاری نے ٹرمپ کو سیاسی دھچکا دے دیا، مڈٹرم انتخابات میں ری پبلکنز کو عبرتناک شکست
بھارتی کوچ نوشاد موسیٰ کا کہنا تھا کہ ضرورت پڑی تو پاکستانی کھلاڑیوں کو گلے بھی لگائیں گے۔دوسری جانب پاکستان کے کپتان عالمگیر غازی نے کہا کہ یہ کرکٹ نہیں بلکہ ساف فٹبال ہے، اسی لیے اسے خوبصورت کھیل کہا جاتا ہے۔پاکستانی کپتان کے اس بیان کو کھیل کی اصل روح، باہمی احترام اور اسپورٹس مین شپ کا پیغام قرار دیا جا رہا ہے۔
