لاہور( پاک ترک نیوز) پاکستان کرکٹ ٹیم کے مایہ ناز آل رائونڈر شاداب خان نے ورلڈ کپ کی تیاریوں کیلئے بگ بیش لیگ کے بقیہ میچز چھوڑ دیئے ۔
شاداب خان بگ بیش لیگ میں سڈنی تھنڈر کی نمائندگی کر رہے ہیں ۔شاداب خان سری لنکا میں پاکستانی ٹیم کے ساتھ موجود ہیں اور توقع کی جا رہی تھی کہ وہ واپس بگ بیش لیگ میں حصہ لیں گے تاہم اب اطلاعات موصول ہوئی ہیں کہ وہ بگ بیش لیگ کے بقیہ میچز میں حصہ نہیں لیں گے ۔
شاداب خان نے اپنے پیغام میں کہا کہ وہ سڈنی تھنڈر کی ٹیم ، انتظامیہ اور سٹاف کے شکریہ گزار ہیں انہیں ان کے ساتھ وقت گزار کر خوشی ہوئی ۔اگرچہ اس بار سڈنی تھنڈر ٹیم فائنل میں رسائی حاصل نہیں کر سکی ۔
شاداب خان نے بگ بیش لیگ کے سیزن 15میں سڈنی تھنڈر کی جانب سے 6میچز میں حصہ لیا اور 7وکٹوں کے ساتھ آل رائونڈر کاکردگی کا مظاہرہ کرتے ہوئے 104رنز بھی بنائے تھے ۔
واضح رہے کہ ٹی ٹونٹی ورلڈ کپ کا آغاز7 فروری سے ہو گا ۔
