واشنگٹن : (پاک ترک نیوز)امریکی صدر ڈونلڈ ٹرمپ نے روس سے تیل خریدنے والے ممالک پر 500 فیصد ٹیرف لگانے کے بل کی حمایت کر دی ہے۔
اس اعلان کے بعد بھارتی اسٹاک مارکیٹ میں زبردست گراوٹ دیکھنے میں آئی، جس کے نتیجے میں سرمایہ کاروں کے چار دنوں میں 9 لاکھ کروڑ روپے ڈوب گئے ہیں۔
یہ بل امریکی سینیٹر لنزے گراہم نے پیش کیا ہے، جس کی منظوری اگلے ہفتے متوقع ہے۔ منظوری کے بعد صدر ٹرمپ روس سے تیل خریدنے والے ہر ملک پر 500 فیصد تک ٹیرف عائد کر سکیں گے۔
بھارت پہلے ہی 50 فیصد امریکی ٹیرف کے دباؤ میں ہے، اس بل نے بھارتی مارکیٹ میں بے چینی کو مزید بڑھا دیا ہے، کیونکہ روسی تیل پر انحصار کرنے والی بھارتی معیشت پر اس کے منفی اثرات مرتب ہو سکتے ہیں۔
سرمایہ کار اس وقت رسک لینے کے موڈ میں نہیں ہیں، اور یہی وجہ ہے کہ مارکیٹ میں مسلسل فروخت دیکھی جا رہی ہے۔جبکہ اس نئے ٹیرف بل سے برازیل اور چین بھی متاثر ہوں گے۔
ٹرمپ کا مودی کو ایک اور بڑا جھٹکا، روسی تیل خریدا تو 500 فیصد ٹیرف
