ایشز کے تیسرے ٹیسٹ کیلئے آسٹریلوی سکواڈ کا اعلان، کپتان کمنز کی واپسی

ایڈیلیڈ(پاک ترک نیوز ) آسٹریلیا نے انگلینڈ کے خلاف ایشز سیریز کے تیسرے ٹیسٹ کیلئے سکواڈ کا اعلان کردیا گیا، کپتان پیٹ کمنز سکواڈ میں واپسی ہوئی ہے ۔
آسٹریلوی کرکٹ بورڈ کا کہنا ہے کہ کپتان پیٹ کمنز انجری سے ری کوری کے بعد سکواڈ میں واپس آئے ہیں جبکہ عثمان خواجہ 15 رکنی سکواڈ میں جگہ برقرار رکھنے میں کامیاب ہوئے ہیں۔
عثمان خواجہ پرتھ ٹیسٹ میں کمر کی تکلیف کا شکار ہوئے تھے جس کے بعد وہ برسبین ٹیسٹ نہیں کھیل سکے تھے، پیٹ کمنز جولائی کے بعد سے کرکٹ ایکشن سے باہر رہے ہیں، انہوں نے جولائی میں جمیکا میں ویسٹ انڈیز کے خلاف آخری ٹیسٹ کھیلا تھا۔
سکواڈ میں کپتان پیٹ کمنز، سکاٹ بولینڈ، ایلکس کیری، برینڈن ڈوگٹ اور کیمرون گرین کے علاوہ جوش انگلس، ٹریوس ہیڈ، عثمان خواجہ، نیتھن لیوین، مارنوس لبوشین، مائیکل نیسر، سٹیو سمتھ، مچل سٹارک، جیک ویدرالڈ اور بیو ویبسٹر شامل ہیں۔
واضح رہے کہ ایشیز سیریز کا تیسرا ٹیسٹ 17 دسمبر سے ایڈیلیڈ میں شروع ہو گا، پانچ ٹیسٹ میچز کی سیریز میں آسٹریلیا کو دو صفر سے برتری حاصل ہے۔