آر اے شمشاد
پاکستان کرکٹ ٹیم کے مایہ ناز بلے باز بابراعظم کے پاس سعید انورکے دو اہم ریکارڈ توڑنے کا سنہری موقع ہے ۔ بابراعظم سعید انور کا ایک روزہ میچ میں اہم ریکارڈ برابر کرنے کے قریب پہنچ چکے ہیں ۔
قومی مایہ ناز بلے باز بابراعظم سعید انور کے پاکستان کی جانب سے زیادہ سنچریاں سکور کرنے کے اہم ریکارڈ توڑنے کے قریب پہنچ ہیں ۔ وہ محض ایک سنچری کی بدولت سعید انور سے اہم ریکارڈ چھین سکتے ہیں۔
بابراعظم نے ایک روزہ میچز میں 19سنچریاں سکور کر رکھی ہیں جبکہ پاکستان کی جانب سے سب سے زیادہ سنچریاں سعید انور نے بنائی ہیں ۔ سعید انور نے 20سنچریاں سکور کی ہیں ۔بابراعظم کے پاس موقع موجود ہیں کہ وہ سابق پاکستانی لیجنڈری بلے باز سعید انور کا ریکارڈ برابر کرسکیں ۔وہ محض ایک سنچری کے فاصلے پر ہیں ۔بابراعظم نے 135میچز میں پاکستان کی نمائندگی کی ہے اور وہ 19سنچریاں سکور کر چکےہیں۔
سابق بلے باز سعید انور 247میچز میں 20سنچریاں بنا رکھی ہیں ۔پاکستان کی جانب سے ایک روزہ میچز میں زیادہ سنچریاں بنانے والے تیسرے کھلاڑی محمد یوسف ہیں جنہوں نے 281میچز کھیل کر 15سنچریاں سکور کی ہیں ۔
واضح رہے کہ تمام فارمیٹس میں پاکستان کی جانب سے سب سے زیادہ سنچریوں کا اعزاز یونس خان کے پاس ہے جنہوں نے 40تھری فیگر اننگز کھیل رکھی ہیں ۔محمد یوسف 39کے ساتھ دوسرے جبکہ انضمام الحق 35سنچریوں کےساتھ تیسری پوزیشن پر موجود ہیں ۔
بابر اعظم ، سعید انور اور جاوید میانداد31،31سنچریوں کے ساتھ بالترتیب تیسرے ، چوتھے اور پانچویں پوزیشن پرموجود ہیں ۔بابراعظم کسی بھی فارمیٹ میں ایک تھری فیگر اننگزکھیل کر سعید انور کو پیچھے چھوڑ سکتے ہیں۔
