راولپنڈی (پاک ترک نیوز) پاکستان نے پہلے ایک روزہ میچ میں سری لنکا کو جیت کیلئے 300رنز کا ہدف دیدیا۔
تفصیلات کے مطابق راولپنڈی میں کھیلے جا رہے تین میچوں کی سیریز کے پہلے ایک روزہ میچ میں سری لنکا نے ٹاس جیت کر پہلے بائولنگ کا فیصلہ کیا ۔
پاکستان نے پہلے کھیلتے ہوئے مقررہ پچاس اوورز میں 5وکٹوں کے نقصان پر 299رنز بنا ئےاور سری لنکا کو جیت کیلئے 300رنز کا ہدف دیا ہے۔
پاکستان کی جانب سے سلمان علی آغا نے ناقابل شکست رہتے ہوئے 105رنز بنائے ۔ حسین طلعت 62جبکہ محمد نواز نے 36رنز بنائے۔
سری لنکا کی جانب سے ہشرنگا نے 3جبکہ فرنینڈو اور تھسکانا نے ایک ایک کھلاڑی کو آئوٹ کیا ۔
تین میچوں پر مشتمل سیریز کا دوسرا ایک روزہ میچ 13جبکہ تیسرا اور آخری ون ڈے 15نومبر کو کھیلا جائے گا۔
پہلا ون ڈے : پاکستان نے سری لنکا کو جیت کیلئے 300رنز کا ہدف دیدیا
