راولپنڈی (پاک ترک نیوز) حنا جاوید قتل کیس میں راولپنڈی پولیس کے خلاف اہلخانہ کی شکایت پر ریجنل محتسب پنجاب نے نوٹس جاری کر دیا۔ سی پی او راولپنڈی حسن مشتاق سکھیرا کو 23 نومبر 2026 کو صبح 10 بجے جواب اور متعلقہ ریکارڈ سمیت طلب کر لیا گیا۔نوٹس کے مطابق سی پی او راولپنڈی کو شکایت کا جواب کسی ذمہ دار افسر کے ذریعے جمع کرانے کی ہدایت کی گئی ہے، جبکہ شکایت اور متعلقہ دستاویزات بھی نوٹس کے ساتھ منسلک کر دی گئی ہیں۔
یہ بھی پڑھیں: اسلام آباد کو ملک کا پہلا مکمل کیش لیس شہر بنانے کا فیصلہ، 31 دسمبر ڈیڈ لائن مقرر
ریجنل محتسب پنجاب نے پنجاب محتسب ایکٹ 1997 کی دفعہ 10(4) کے تحت نوٹس جاری کیا ہے۔واضح رہے کہ حنا جاوید کے اہلخانہ نے فرانزک رپورٹس کے حصول کے لیے ریجنل محتسب پنجاب سے رجوع کر رکھا ہے۔ اب محتسب پنجاب نے پولیس سے جواب اور متعلقہ ریکارڈ طلب کر لیا ہے۔
