کراچی ( پاک ترک نیوز) ملک بھر میں سونے کی قیمت میں کمی جبکہ چاندی کے نرخ مستحکم رہے۔ آل پاکستان صرافہ ایسوسی ایشن کے مطابق فی تولہ سونا ایک ہزار 500 روپے سستا ہوکر 4 لاکھ 30 ہزار 836 روپے کا ہوگیا۔10 گرام سونے کی قیمت بھی ایک ہزار 286 روپے کمی کے بعد 3 لاکھ 69 ہزار 372 روپے پر آگئی۔دوسری جانب عالمی مارکیٹ میں سونے کی قیمت 15 ڈالر کمی سے 4 ہزار 83 ڈالر فی اونس ریکارڈ کی گئی۔
ادھر مقامی مارکیٹ میں چاندی کی قیمتوں میں کوئی تبدیلی نہیں ہوئی۔ فی تولہ چاندی 5 ہزار 723 روپے جبکہ 10 گرام چاندی 4 ہزار 906 روپے پر برقرار رہی۔
یہ بھی پڑھیں: آرنلڈ شوارزنیگر کے بیٹے جوزف بینا کی پروفیشنل باڈی بلڈنگ میں شاندار انٹری، ٹاپ فائیو میں جگہ بنا لی
عالمی مارکیٹ میں بھی چاندی کی قیمت 52 ڈالر 45 سینٹ فی اونس پر مستحکم رہی۔
