اسلام آباد ( پاک ترک نیوز) پاکستان اور سعودی عرب کے سرمایہ کاروں نے دوطرفہ تجارت اور سرمایہ کاری کے فروغ کے لیے مشترکہ پرائیویٹ ایکویٹی فنڈ قائم کردیا۔سعودی پاکستان جوائنٹ بزنس کونسل کے مطابق فنڈ کا ابتدائی حجم کئی سو ملین ڈالر ہوگا، جس میں سے 75 فیصد سرمایہ پاکستان جبکہ 25 فیصد سعودی عرب کے منصوبوں میں لگایا جائے گا۔فنڈ کے حجم میں سرمایہ کاری کے نئے مواقع کے مطابق مزید اضافہ بھی متوقع ہے۔سعودی سرمایہ کار پاکستان کے زراعت، بندرگاہوں، شاہراہوں، ایئرپورٹس، رئیل اسٹیٹ، توانائی، بجلی کی تقسیم اور انفارمیشن ٹیکنالوجی کے شعبوں میں دلچسپی رکھتے ہیں۔
یہ بھی پڑھیں: جنوبی ایشیا میں پائیدار امن کے لیے مسئلہ کشمیر کا منصفانہ حل ضروری ہے،اسحاق ڈار
دونوں ممالک اس سے قبل پاکستانی زرعی اور غذائی مصنوعات کی سعودی عرب برآمدات 3 ارب ڈالر تک بڑھانے پر بھی اتفاق کرچکے ہیں۔مشترکہ فنڈ کے قیام کو پاکستان اور سعودی عرب کے درمیان اقتصادی تعاون، نجی سرمایہ کاری اور تجارتی روابط بڑھانے کی جانب اہم پیش رفت قرار دیا جا رہا ہے۔
