واشنگٹن ( پاک ترک نیوز) امریکا کے مڈٹرم انتخابات میں صدر ڈونلڈ ٹرمپ کی جماعت ری پبلکنز کو بڑا سیاسی دھچکا، ڈیموکریٹس نے سینیٹ اور ایوان نمائندگان دونوں میں اکثریت حاصل کرلی۔ایران جنگ، بڑھتی مہنگائی اور بے روزگاری سے پریشان امریکی عوام نے ٹرمپ انتظامیہ کی پالیسیوں پر عدم اعتماد کا اظہار کردیا، ری پبلکنز کو ایوان نمائندگان میں اپنی 27 نشستوں سے ہاتھ دھونا پڑے۔ابتدائی نتائج کے مطابق ایوان نمائندگان میں ڈیموکریٹس نے 231 جبکہ ری پبلکنز نے 139 نشستیں حاصل کیں، تاہم کئی حلقوں کے نتائج آنا ابھی باقی ہیں۔
یہ بھی پڑھیں: عوام کے لیے پٹرولیم مصنوعات سستی، پٹرول 7 روپے 6 پیسے اور ڈیزل 3 روپے 71 پیسے فی لیٹر سستا
امریکی سینیٹ میں بھی ڈیموکریٹس نے ری پبلکنز سے 7 نشستیں چھین لیں، جس کے بعد ڈیموکریٹس کی نشستوں کی تعداد 54 جبکہ ری پبلکنز کی 44 ہوگئی۔گورنر کے انتخابات میں بھی ڈیموکریٹس نے برتری حاصل کی، ڈیموکریٹس کے 27 جبکہ ری پبلکنز کے 20 امیدوار کامیاب قرار پائے۔انتخابی نتائج کو صدر ڈونلڈ ٹرمپ کی پالیسیوں کے خلاف عوامی ردعمل اور امریکی سیاست میں بڑی تبدیلی کے طور پر دیکھا جا رہا ہے۔
