لاہور(پاک ترک نیوز) کی انسداد دہشت گردی عدالت میں 9 مئی جلاؤ گھیراؤ کے مختلف مقدمات میں سابق وفاقی وزرا اسد عمر، فواد چوہدری اور دیگر ملزمان کی عبوری ضمانت کی درخواستوں پر سماعت ہوئی۔
عدالت نے تمام ملزمان کی عبوری ضمانت میں 8 دسمبر تک توسیع کرتے ہوئے پراسیکیوشن سے مقدمات کا مکمل ریکارڈ اور دلائل طلب کرلیے۔
سماعت کے دوران اسد عمر اپنے وکیل رانا مدثر عمر کے ہمراہ عدالت میں پیش ہوئے۔مختلف 9 مئی مقدمات میں عبوری ضمانت کی درخواستوں پر انسداد دہشت گردی عدالت کے دو ججز نے الگ الگ سماعت کی۔
یہ بھی پڑھیں: پاکستان اور تاجکستان کی مشترکہ انسداد دہشت گردی مشق ’’دوستی 3‘‘ مکمل
دیگر ملزمان میں مسرت چیمہ، اعظم سواتی، کرامت کھوکھر اور حافظ فرحت عباس بھی شامل ہیں۔ملزمان کے خلاف مسلم لیگ ن کے دفتر کو جلانے سمیت جلاؤ گھیراؤ کے دیگر مقدمات درج ہیں۔
