آر اے شمشاد
پاکستان اور سری لنکا کے درمیان دو ٹیسٹ میچوں پر مشتمل سیریز کا 9نومبر سے آغاز ہونے جا رہاہے۔ پاکستانی کوچ مائیک ہیسن نے سری لنکا کیخلاف ٹیسٹ سیریز کیلئے فاسٹ ٹریک تیار کرنے کا حکم دیا ہے ۔
حیرت انگیز بات یہ ہے کہ 2026میں یہ پاکستانی سرزمین پر قومی ٹیم کا پہلا ٹیسٹ میچ ہے ۔ ٹیسٹ میچ سے قبل ٹیم میں کافی تبدیلیوں کا امکان بھی ظاہر کیا جا رہاہے ۔
ٹیسٹ کی بات کی جائے تو رواں سال قومی ٹیم بیرون ملک اب تک 7ٹیسٹ میچز کھیل چکی ہے اور ان میں سے 6میں اسے شکست کا سامنا کرنا پڑا ہے اور ایک ٹیسٹ میں کامیابی سمیٹی ہے ۔
پاکستان نے واحد ٹیسٹ ویسٹ انڈیز کیخلاف جیتا تھا ۔پاکستانی کوچ مائیک ہیسن کی جانب سے پیسرز کی مدد کیلئے فاسٹ ٹریک کی تیاری کا حکم دیدیا ہے ۔قومی ٹیسٹ ٹیم کی ناقص کارکردگی کے باعث شدید تنقید کی زد میں ہے اور کپتان کی تبدیلی بھی اسی تنقید کے باعث ہوئی ہے ۔
یہ بھی پڑھیں: ٹرمپ نے مڈٹرم انتخابات میں ریپبلکنز کی ناکامی کی وجہ ایران جنگ کو قرار دے دیا
قومی ٹیسٹ ٹیم کے قائد بابراعظم اپنی فارم کی بحالی کیلئے اس وقت ڈومیسٹک ٹورنامنٹ میں چار روزہ میچ کھیل رہے ہیں ۔
یاد رہے کہ آئی سی سی ٹیسٹ رینکنگ میں پاکستان کا 10 میں سے نواں نمبر ہے، اس کے بعد زمبابوے موجود ہے جبکہ ورلڈ ٹیسٹ چیمپئن شپ میں گرین کیپس سب سے آخری نویں درجے پر ہیں۔
پاکستان اورسری لنکا کے درمیان پہلے میچ کا آغاز 9نومبر سے راولپنڈی میں ہوگا جبکہ سیریز کا دوسرا اور آخری ٹیسٹ میچ 17نومبر کو لاہور میں شیڈول ہے ۔
شائقین کی نظریں اس بار بھی قومی ٹیم کی کارکردگی پر مرکوز ہیں اورتوقع کی جا رہی سال کا اختتام قومی ٹیم فتوحات سے کرے گی ۔
