ماسکو ( پاک ترک نیوز) روسی صدر ولادیمیر پیوٹن اور امیر قطر شیخ تمیم بن حمد الثانی کے درمیان ملاقات ہوئی، جس میں مشرقِ وسطیٰ کی صورتحال، امریکا اور ایران کے درمیان کشیدگی اور دوطرفہ تعلقات پر تبادلہ خیال کیا گیا۔
امیر قطر شیخ تمیم بن حمد الثانی نے کہا کہ گزشتہ 10 برس کے دوران روس اور قطر کے تعلقات میں نمایاں پیشرفت ہوئی ہے۔ انہوں نے کہا کہ امریکا اور ایران کے درمیان کشیدگی کے باعث خطہ مشکل حالات سے گزر رہا ہے۔
روسی صدر ولادیمیر پیوٹن نے قطر کے ثالثی کردار کو سراہتے ہوئے کہا کہ قطر یہ کردار بہتر انداز میں ادا کر رہا ہے۔ انہوں نے مشرقِ وسطیٰ کے تنازع کے حل کے لیے ہر ممکن کوشش کرنے کی آمادگی بھی ظاہر کی۔
یہ بھی پڑھیں: افغان طالبان کی پاکستانی آبادی پر گولہ باری ،ایک شہری شہید،5زخمی،پاک فوج کی جوابی کارروائی ،کئی پوسٹیں تباہ
روسی صدر کے مطابق عالمی توانائی کی منڈی میں استحکام کے لیے روس اور قطر کے درمیان مؤثر تعاون اہمیت رکھتا ہے۔
