اسلام آباد ( پاک ترک نیوز) ترجمان دفتر خارجہ کے مطابق نائب وزیراعظم اور وزیر خارجہ اسحاق ڈار نے بحرین کے وزیر خارجہ ڈاکٹر عبداللطیف بن راشد الزیانی سے ٹیلیفونک رابطہ کیا ہے۔گفتگو کے دوران پاکستان اور بحرین کے درمیان قریبی برادرانہ تعلقات کا اعادہ کیا گیا، جبکہ اقوام متحدہ سمیت کثیرالجہتی فورمز پر دونوں ممالک کے درمیان تعاون مزید مضبوط بنانے پر تبادلہ خیال کیا گیا۔ترجمان دفتر خارجہ کے مطابق دونوں رہنماؤں نے علاقائی صورتحال پر بھی گفتگو کی اور مشترکہ ترجیحات کے حصول کے لیے باقاعدہ مشاورت اور قریبی رابطے کی اہمیت پر زور دیا۔
یہ بھی پڑھیں: فیلڈ مارشل سید عاصم منیر تہران پہنچ گئے
پاکستان اور بحرین کے درمیان یہ رابطہ دوطرفہ تعلقات کو مزید مستحکم بنانے اور علاقائی امور پر مشاورت جاری رکھنے کی کوششوں کا حصہ ہے۔
