اسلام آباد ( پاک ترک نیوز) ملک میں بجلی صارفین کا نیشنل گرڈ پر انحصار گزشتہ سال کے مقابلے میں مزید بڑھ گیا، اگست دو ہزار چھبیس میں بجلی کی فروخت میں ایک اعشاریہ آٹھ فیصد اضافہ ریکارڈ کیا گیا۔دستاویز کے مطابق اگست دو ہزار پچیس میں بجلی صارفین نے 10 ہزار 949 گیگاواٹ بجلی خریدی تھی، جبکہ اگست دو ہزار چھبیس میں بجلی کی فروخت بڑھ کر 11 ہزار 150 گیگاواٹ ریکارڈ کی گئی۔اعداد و شمار کے مطابق ایک سال کے دوران مختلف شعبوں میں بجلی کی خریداری میں نمایاں تبدیلی دیکھی گئی۔صنعتی صارفین نے نیشنل گرڈ سے سب سے زیادہ 2 ہزار 618 گیگاواٹ بجلی خریدی، جبکہ ایک سال کے دوران صنعتی صارفین کی بجلی خریداری میں 2 اعشاریہ 4 فیصد اضافہ ہوا۔
یہ بھی پڑھیں: ورلڈ بینک وفد کی وزیر خزانہ محمد اورنگزیب سے ملاقات، معاشی اصلاحات پر تبادلہ خیال
دستاویز کے مطابق کمرشل صارفین کی بجلی خریداری میں ایک سال کے دوران 3 اعشاریہ 9 فیصد اضافہ ریکارڈ کیا گیا، جبکہ بلک صارفین کی خریداری 5 اعشاریہ 5 فیصد بڑھ گئی۔دوسری جانب زرعی شعبے میں بجلی کی خریداری میں کمی دیکھی گئی۔ ایک سال کے دوران زرعی صارفین کی بجلی خریداری میں 5 فیصد کمی ریکارڈ کی گئی۔
