کراچی ( پاک ترک نیوز) میر رضا کیس کی تحقیقات کے لیے قائم جوڈیشل کمیشن کی مدت میں توسیع کا معاملہ آخری مرحلے میں داخل ہوگیا۔محکمہ داخلہ سندھ کے ذرائع کے مطابق وزیراعلیٰ سندھ نے کمیشن کی توسیع کی سمری منظور کرلی ہے، تاہم توسیع کی حتمی منظوری کے لیے سندھ کابینہ کی توثیق ابھی باقی ہے۔ذرائع کا کہنا ہے کہ سندھ کابینہ کی توثیق کے بعد آج یا کل تک کمیشن کی مدت میں توسیع کا باقاعدہ نوٹیفکیشن جاری کردیا جائے گا۔
محکمہ داخلہ سندھ کے مطابق کمیشن کی توسیع کا عمل تاحال جاری ہے اور کمیشن اپنی کارروائی جاری رکھے گا۔ذرائع کا کہنا ہے کہ کمیشن کی توسیع کے لیے وزیراعلیٰ سندھ اور سندھ کابینہ کی منظوری لازمی ہے۔ وزیراعلیٰ سندھ کو کمیشن کی توسیع کی سمری گزشتہ ہفتے ارسال کی گئی تھی۔
یہ بھی پڑھیں: درست اور قابلِ اعتماد معلومات تک رسائی باخبر جمہوریت کیلئے نہایت اہم ہے، صدر زرداری
میر رضا کیس کی تحقیقات کے لیے قائم جوڈیشل کمیشن کی ابتدائی مدت ایک ماہ مقرر کی گئی تھی، جبکہ کمیشن کی مدت 27 ستمبر کو ختم ہوچکی ہے۔
