لاہور( پاک ترک نیوز) لاہور ہائیکورٹ میں علیمہ خانم کو جیل میں ادویات اور کپڑوں کی فراہمی جبکہ اہل خانہ اور وکلا تک رسائی دینے کے لیے دائر متفرق درخواست پر سماعت ہوئی۔جسٹس عبہر گل نے علیمہ خانم کے بیٹے شاہ ریز کی درخواست پر سماعت کی۔ درخواست گزار کی جانب سے وکیل رانا مدثر عمر عدالت میں پیش ہوئے۔
یہ بھی پڑھیں: میاں حماد اظہر کا 21 روزہ جسمانی ریمانڈ مکمل ،آج لاہور کی عدالت میں پیش کیا جائے گا
درخواست گزار کے وکیل نے مؤقف اختیار کیا کہ ڈی سی لاہور نے علیمہ خانم کی نظر بندی کا نوٹیفکیشن جاری کیا، جبکہ انہیں جیل میں بنیادی سہولیات سے محروم رکھا جا رہا ہے۔درخواست میں استدعا کی گئی کہ عدالت علیمہ خانم کو جیل میں ادویات اور کپڑوں کی فراہمی یقینی بنانے کے ساتھ اہل خانہ اور وکلا سے ملاقات اور رسائی کی اجازت دینے کا حکم دے۔عدالت نے سپرنٹنڈنٹ جیل سے آج دوپہر دو بجے تک رپورٹ طلب کرلی۔
