اسلام آباد ( پاک ترک نیوز) پاکستان تحریک انصاف کے سیکریٹری جنرل سلمان اکرم راجہ نے کہا ہے کہ صرف کسی اندیشے کی بنیاد پر کسی کے بنیادی حقوق چھین لینا کہاں کا انصاف ہے، سفاکیت کی تمام حدیں عبور کردی گئی ہیں۔لاہور ہائیکورٹ میں میڈیا سے گفتگو کرتے ہوئے سلمان اکرم راجہ نے کہا کہ علیمہ خان کی نظر بندی کو 9 روز گزر چکے ہیں، ان کے ساتھ جو سلوک کیا جا رہا ہے وہ عوام کو یہ پیغام دینے کے مترادف ہے کہ ان کی کوئی حیثیت نہیں۔
انہوں نے کہا کہ ہم عدالتوں سے استدعا کرتے ہیں کہ انصاف کیا جائے اور شہریوں کے بنیادی حقوق کا تحفظ یقینی بنایا جائے۔سلمان اکرم راجہ کا کہنا تھا کہ بانی پی ٹی آئی کے خاندان نے مثال قائم کی ہے اور مشکلات کے باوجود اپنے مؤقف پر قائم ہیں۔انہوں نے کہا کہ بانی پی ٹی آئی نے محمود خان اچکزئی اور علامہ راجہ ناصر عباس کو مذاکرات کا اختیار دیا ہے۔
یہ بھی پڑھیں: بجلی کے بھاری بلوں سے پریشان عوام کے لیے بڑی خبر
سلمان اکرم راجہ نے کہا کہ ان کے علم میں نہیں کہ اس وقت کوئی بیک چینل مذاکرات جاری ہیں یا نہیں
