راولپنڈی (پاک ترک نیوز )سکیورٹی فورسز نے بلوچستان کے مختلف علاقوں میں گزشتہ 96 گھنٹوں کے دوران کارروائیوں میں 71 سے زائد دہشت گردوں کو ہلاک کردیا۔
آئی ایس پی آر کے مطابق زیارت، شعبان، نوشکی اور مند میں انٹیلی جنس بنیادوں پر آپریشنز کیے گئے۔ شعبان آپریشن میں اب تک 56 دہشت گرد ہلاک ہوچکے ہیں، جبکہ نوشکی میں 11 اور مند میں 6 دہشت گرد مارے گئے۔
کارروائیوں کے دوران دہشت گردوں کے متعدد ٹھکانے تباہ، بڑی تعداد میں اسلحہ، گولہ بارود اور دھماکہ خیز مواد برآمد کیا گیا۔
آئی ایس پی آر کا کہنا ہے کہ سکیورٹی فورسز نے وسیع علاقوں کو کلیئر کرلیا، مقامی آبادی کو دہشت گردوں کے خطرے سے نجات دلائی گئی، جبکہ خطرے کے مکمل خاتمے تک کلیئرنس آپریشن جاری رہے گا۔
پاک فوج کے شعبہ تعلقات عامہ کے مطابق غیر ملکی حمایت یافتہ دہشت گردی کے خاتمے کے لیے کارروائیاں عزمِ استحکام کے تحت جاری رہیں گی۔
