لاہور( پاک ترک نیوز) پی ٹی آئی رہنما میاں حماد اظہر سے فیملی اور وکلا کی ملاقات کے لیے لاہور ہائیکورٹ میں درخواست دائر کر دی گئی۔
میاں حماد اظہر کی والدہ عشرت اظہر اور اہلیہ مریم حماد نے درخواست دائر کی۔درخواست میں مؤقف اختیار کیا گیا ہے کہ پولیس نے میاں حماد اظہر کو جسمانی ریمانڈ پر گرفتار کر رکھا ہے، آئین کے تحت ملزم کو بنیادی اور آئینی حقوق حاصل ہیں۔درخواست گزاروں کے مطابق انسداد دہشت گردی عدالت لاہور نے ان کی درخواست پولیس کو ارسال کی اور پولیس کو پولیس قواعد کے مطابق فیصلہ کرنے کی ہدایت کی۔
یہ بھی پڑھیں: پاکستان کا نظام بگاڑ کا شکار ہو چکا ہے،راجہ ناصر عباس
درخواست میں لاہور ہائیکورٹ سے انسداد دہشت گردی عدالت کا فیصلہ کالعدم قرار دینے کی استدعا کی گئی ہے۔درخواست میں عدالت سے میاں حماد اظہر سے اہل خانہ اور وکلا کی ملاقات کرانے کا حکم دینے کی بھی استدعا کی گئی ہے
