اسلام آباد ( پاک ترک نیوز) اپوزیشن لیڈر سینیٹ علامہ ناصر عباس نے قائدین کے ہمراہ میڈیا سے گفتگو کرتے ہوئے کہا کہ عوام کو سہولیات دینا اور ان کے حقوق کا ساتھ دینا ایک ہی بات ہے۔علامہ ناصر عباس نے کہا کہ ایک اہم وفاقی وزیر نے خود کہا کہ پاکستان کا نظام بگاڑ کا شکار ہو چکا ہے، معاشی نظام اور عدالتی نظام بھی مکمل تباہی سے دوچار ہیں۔ ہمارے حکمرانوں کا انداز ایسا ہے کہ انسان حیران رہ جاتا ہے۔انہوں نے کہا کہ قرآن پاک نے فضول خرچی کو حرام قرار دیا ہے، عوام کے ٹیکس کے پیسوں سے جہاز استعمال کرنا بھی حرام ہے۔ پمز میں جو کچھ ہوا، یہ ملک میں موجود خرابیوں کی نشانیاں ہیں۔
یہ بھی پڑھیں: حکومت پکڑے گئے کنٹینرز اور گاڑیاں چھوڑے ، گڈز ٹرانسپورٹرز
اپوزیشن لیڈر سینیٹ نے کہا کہ ایمان مزاری اور ہادی علی چھٹہ کو رہائی کے حکم کے باوجود گرفتار کیا گیا۔ ایمان مزاری کے گلے میں ہار ڈالنا چاہیے کہ وہ آواز بلند کرتی ہیں۔علامہ ناصر عباس نے کہا کہ سترہ سال تک صرف سچ بولنے پر سزائیں سنائی گئیں۔ وزیراعظم کے گھر بھی بچیاں ہیں، یہ بھی کسی کی بچی ہے، اس لیے خواتین کے ساتھ ہونے والے سلوک کو سنجیدگی سے دیکھنا چاہیے۔
