دبئی ( پاک ترک نیوز) ورلڈ چیمپئن شپ آف لیجنڈز کے تیسرے سیزن میں پاکستان اور بھارت کی سابق کرکٹ اسٹارز ایک بار پھر میدان میں آمنے سامنے ہوں گی۔پاکستان چیمپئنز اور بھارت چیمپئنز کے درمیان بڑا مقابلہ 10 اکتوبر کو دبئی کے بین الاقوامی کرکٹ اسٹیڈیم میں کھیلا جائے گا۔بھارت چیمپئنز کی ٹیم میں یوراج سنگھ، یوسف پٹھان، عرفان پٹھان اور ہربھجن سنگھ جیسے سابق بھارتی اسٹارز شامل ہوں گے، جبکہ پاکستان چیمپئنز کی جانب سے شاہد آفریدی، محمد حفیظ، کامران اکمل اور سہیل تنویر ایکشن میں نظر آئیں گے۔
پاکستان اور بھارت کے درمیان ماضی کے یادگار مقابلوں کے بعد شائقین کو ایک مرتبہ پھر دونوں ممالک کے سابق عظیم کھلاڑیوں کو ایک دوسرے کے خلاف کھیلتے دیکھنے کا موقع ملے گا۔
