لاہور( پاک ترک نیوز) ایشین گیمز میں کرکٹ ایونٹ کا فاتح کون ہو گا، روایتی حریف پاکستان اور بھارت آج آمنے سامنے ہوں گے،جاپان میں ہونے والے مقابلے میں دونوں ٹیموں کی نظریں طلائی تمغے پرہیںپاکستان نے سیمی فائنل میں بنگلہ دیش کو 6 وکٹوں سے شکست دے کر فائنل میں جگہ بنائی، جبکہ بھارت نے سری لنکا کو 124 رنز کے بڑے مارجن سے شکست دی۔
اب نظریں پاکستان کے ٹاپ بیٹرز اور بولرز پر ہیں۔ صاحبزادہ فرحان، صائم ایوب، عبدالصمد اور حیدر علی سے بڑی اننگز کی امید ہوگی، جبکہ باؤلنگ میں پاکستان کو سفیان مقیم سمیت اپنے اسپن اور پیس اٹیک سے بھارت کو روکنا ہوگا۔دوسری جانب بھارتی ٹیم میں ایشان کشن، شریاس آئر، سنجو سیمسن، جسپریت بمراہ اور ارشدیپ سنگھ جیسے بڑے نام موجود ہیں۔
پاکستان اور بھارت کے درمیان ٹی20 مقابلوں کی تاریخ میں بھارت کو برتری حاصل ہے، لیکن بڑے مقابلوں میں ایک لمحہ پورا میچ بدل سکتا ہے۔ایشین گیمز میں پاکستان اب تک کرکٹ میں گولڈ میڈل نہیں جیت سکا۔ 2010 اور 2023 میں پاکستان نے کانسی کے تمغے حاصل کیے، جبکہ بھارت 2023 میں گولڈ میڈل جیت چکا ہے۔یعنی پاکستان کے پاس تاریخ بدلنے کا موقع ہے۔سوال یہ ہے۔۔۔ کیا پاکستان بھارت کو شکست دے کر ایشین گیمز کا گولڈ میڈل اپنے نام کرے گا؟ کیا گرین شرٹس روایتی حریف کے خلاف ایک اور یادگار کامیابی حاصل کرپائیں گے؟
