لاہور( پاک ترک نیوز) یوٹیوب کی سخت مونیٹائزیشن پالیسیوں سے پریشان کریئیٹرز کے لیے بڑی خبر۔۔۔چین کا معروف ویڈیو شیئرنگ پلیٹ فارم بلی بلی اب دنیا بھر کے صارفین اور کریئیٹرز کو اپنی جانب متوجہ کر رہا ہے۔۔۔دعویٰ کیا جا رہا ہے کہ غیر ملکی صارفین کے لیے رجسٹریشن کا عمل آسان بنایا جا رہا ہے، جبکہ شناختی دستاویز کی لازمی تصدیق کی شرط بھی ختم کرنے کی تیاری ہے۔۔۔بلی بلی سن دو ہزار دس میں لانچ ہوا، لیکن طویل عرصے تک اس کی سرگرمیاں زیادہ تر چینی صارفین تک محدود رہیں۔۔۔
اب سولہ سال بعد پلیٹ فارم عالمی سطح پر اپنی رسائی بڑھانے کی کوشش کر رہا ہے۔۔۔اور سب سے دلچسپ بات مونیٹائزیشن کا وہ معیار ہے جو نئے کریئیٹرز کو اپنی طرف کھینچ سکتا ہے۔۔۔رپورٹس کے مطابق ایک ہزار فالوورز اور مجموعی طور پر ایک لاکھ ویوز مکمل ہونے کے بعد مونیٹائزیشن کا راستہ کھل سکتا ہے۔۔۔
یعنی لانگ فارم ویڈیوز ہوں، شارٹس، گیمنگ، اینیمیشن یا دیگر مواد۔۔۔کریئیٹرز کے لیے آمدنی کے متعدد راستے موجود ہونے کا دعویٰ کیا جا رہا ہے۔۔۔فی الحال بلی بلی کی جانب سے صفر اعشاریہ سات ڈالر آر پی ایم کا اعلان کیا گیا ہے۔۔۔یعنی ایک ہزار ویوز پر تقریباً صفر اعشاریہ سات ڈالر۔۔۔لیکن ماہرین کے مطابق صرف آر پی ایم دیکھ کر آمدنی کا اندازہ نہیں لگایا جا سکتا۔۔۔اصل سوال یہ ہے کہ کتنے ویوز ملتے ہیں، ناظرین کہاں سے آتے ہیں اور پلیٹ فارم پر اشتہارات کی طلب کتنی بنتی ہے۔۔۔
یہ بھی پڑھیں: ترک ڈراموں نے ترکیہ میں یوٹیوب سرچز پر قبضہ کر لیا
بلی بلی پر صرف ویڈیوز ہی نہیں۔۔۔شارٹ کنٹینٹ، پوسٹس، بلاگ رائٹنگ اور پارٹنرشپ کے ذریعے بھی آمدنی کے مواقع موجود ہونے کی بات کی جا رہی ہے۔۔۔پلیٹ فارم پہلے ہی گیمنگ، اینیمیشن اور اے آئی جیسے شعبوں میں مضبوط کمیونٹیز رکھتا ہے۔۔۔معروف کریئیٹر مسٹر بیسٹ بھی دو ہزار چوبیس سے بلی بلی پر موجود ہیں اور ان کے فالوورز کی تعداد لاکھوں میں بتائی جاتی ہے۔۔۔لیکن کیا بلی بلی یوٹیوب کو ختم کر دے گا؟جواب ہے۔۔۔ نہیں!کم از کم ابھی ایسا کہنا قبل از وقت ہوگا۔۔۔یوٹیوب کے پاس عالمی سطح پر بہت بڑا کریئیٹر نیٹ ورک، ناظرین اور اشتہاری نظام موجود ہے۔۔۔تو پاکستانی کریئیٹرز کیا کریں؟یوٹیوب چھوڑنے کے بجائے اسے اپنا مرکزی پلیٹ فارم رکھیں۔۔۔اور بلی بلی کو ایک نئے موقع کے طور پر آزمائیں۔۔۔اپنا اوریجنل کنٹینٹ بنائیں، مختلف پلیٹ فارمز پر شیئر کریں اور دیکھیں کہ کہاں بہتر آڈینس اور آمدنی ملتی ہے۔۔۔تاہم اہم بات یہ ہے کہ پاکستان میں بلی بلی کی باضابطہ دستیابی اور مونیٹائزیشن کی کوئی حتمی تاریخ تاحال سامنے نہیں آئی۔ممکن ہے آج بلی بلی صرف یوٹیوب کا متبادل نظر آ رہا ہو۔۔۔لیکن اگر اس کی عالمی توسیع کامیاب ہوگئی تو جو کریئیٹرز سب سے پہلے اس نئی مارکیٹ میں جگہ بنائیں گے۔۔۔کل وہی بڑے نام بن سکتے ہیں!
