اسلام آباد ( پاک ترک نیوز) بحیرہ احمر میں تجارتی بحری جہاز پر حوثی حملے کے نتیجے میں 3 پاکستانی شہری جاں بحق جبکہ ایک زخمی ہوگیا۔
پاکستان نے غیر جنگی تجارتی بحری جہاز پر حوثی حملے کی شدید مذمت کی ہے۔
نائب وزیراعظم اور وزیر خارجہ اسحاق ڈار نے کہا کہ غیر جنگی تجارتی بحری جہاز کو نشانہ بنانا بین الاقوامی قانون کی خلاف ورزی ہے، جبکہ ایسا حملہ بحری سلامتی اور عالمی تجارتی جہاز رانی کے لیے سنگین خطرہ ہے۔
یہ بھی پڑھیں: ارشد ندیم نے بیرونِ ملک ٹریننگ کا پلان بنا لیا
پاکستانی حکام کے مطابق حکومت نے واقعے کے بعد سعودی حکام اور یمن کی تسلیم شدہ حکومت سے رابطہ کیا ہے۔
نائب وزیراعظم نے جاں بحق پاکستانی شہریوں کی میتیں وطن واپس لانے کے لیے متعلقہ سفارتخانے کو فوری اقدامات کی ہدایت بھی کردی ہے۔
