واشنگٹں (پاک ترک نیوز)امریکی صدر ڈونلڈ ٹرمپ نے کہا ہے کہ ایران اس وقت انتہائی ابتر حالات سے گزر رہا ہے اور اسے شدید مشکلات کا سامنا ہے۔
اپنے بیان میں ڈونلڈ ٹرمپ نے ایران پر سخت تنقید کرتے ہوئے کہا کہ معاملات طے کرنے کے حوالے سے ایران انتہائی بے ایمان اور دھوکے باز ثابت ہوا ہے۔
امریکی صدر نے دعویٰ کیا کہ امریکہ کے پاس دنیا کے بہترین ہتھیار موجود ہیں جن کی نقل تیار کرنا مکمل طور پر ناممکن ہے۔ڈونلڈ ٹرمپ کا کہنا تھا کہ امریکہ کو اپنے جدید ہتھیاروں کی ٹیکنالوجی اور حساس راز دنیا کی نظروں سے محفوظ رکھنا ہوں گے۔
انہوں نے امریکی ٹام ہاک کروز میزائل کو دنیا کا انتہائی مؤثر اور درست ہدف کو نشانہ بنانے والا ہتھیار قرار دیتے ہوئے دعویٰ کیا کہ یہ میزائل اس قدر درستگی سے نشانہ بناتا ہے کہ کسی بھی مکان کی کھڑکی کے اندر سے گزر سکتا ہے۔
امریکی صدر نے مزید کہا کہ امریکی ہتھیاروں کی صلاحیت اور طاقت بے مثال ہے اور دنیا نے اس سے قبل ایسی ٹیکنالوجی نہیں دیکھی
