اسلام آباد ( پاک ترک نیوز) وزیر دفاع خواجہ آصف کا کہنا ہے پاکستان نے خطے کو بڑی جنگ سے بچایا۔ پاکستان ہر محاذ پر کامیابی کے جھنڈے گاڑ رہا ہے، دنیامیں پاکستان امن کے علمبردار کے طور پر جانا جا رہا ہے۔
وزیر دفاع خواجہ آصف نے کہا معرکہ حق میں کامیابی کی پوری دنیا معترف ہے ،پاکستان نے اپنے سے کئی گنا بڑے دشمن کو شکست دی،70سال کی تاریخ میں معرکہ حق جیسی کامیابی نہیں ملی ۔
وزیر دفاع خواجہ آصف نے سیالکوٹ میں تقریب سے خطاب میں کہا علم سے بڑی دولت کوئی نہیں،تعلیم اب صرف ڈگریوں کا حصول بن چکی ہے ،صرف ڈگری لینے سے علم حاصل نہیں ہوتا ،طلباکیلئے علم کا حصول پہلی،ڈگری دوسری ترجیح ہونی چاہیئے۔
یہ بھی پڑھیں: پاکستان کودہشتگرد حملوں کیخلاف اپنےدفاع کا مکمل حق حاصل ہے ،امریکی محکمہ خارجہ
وزیر دفاع خواجہ آصف نے کہا تعلیم یافتہ سوسائٹی کبھی دیوالیہ نہیں ہو سکتی ،علم ترقی کے راستے متعین کرتا ہے ،استاد،شاگردکا رشتہ احترام اور محبت پر مبنی ہونا چاہیئے،والدین بچوں کی بہترین تربیت کرکے انہیں معاشرے کا بہترین فرد بنائیں
خواجہ آصف نے مزید کہا پورےملک میں نصاب تعلیم یکساں ہونا چاہیے ، ہمیں اپنی قومی شناخت بنانے کیلئے محنت کرنا ہوگی ، قومی شناخت تراشنے کیلئے بہتر نصاب کلیدی کردار اد اکرے گا۔
