لاہور( پاک ترک نیوز) وزیراعلیٰ پنجاب مریم نواز کا نیا ریکارڈ- تین بڑے ہسپتال افتتاح کے لئے تیار ، نواز شریف انسٹی آف کارڈیالوجی سرگودھا کا پندرہ جولائی،نواز شریف انسٹی ٹیوٹ آف کینسر ٹریٹمنٹ اینڈ ریسرچ کا اکتیس جولائی اور ،جناح انسٹی ٹیوٹ آف کارڈیالوجی کا افتتاح پندرہ اگست کو متوقع ہے ۔
وزیراعلیٰ مریم نواز شریف کی زیر صدارت سپیشلائزڈ ہیلتھ کیئر ڈیپارٹمنٹ کے حوالے سے اجلاس ہوا میں نواز شریف انسٹی ٹیوٹ آف کارڈیالوجی سرگودھا، این ایس انسٹی ٹیوٹ آف کینسر ٹریٹمنٹ اینڈ ریسرچ ،اور جناح انسٹی ٹیوٹ آف کارڈیالوجی لاہور کے بارے میں تفصیلی بریفنگ دی گئی۔
وزیراعلیٰ مریم نواز شریف کو ہیلتھ کئیر کی سروس ڈلیوری کے بارے میں تفصیل سے آگاہ کیا گیا،بریفنگ میں کہا گیا پنجاب کے 22 ملین مریضوں کا مفت علاج کیا گیا۔سی ایم چلڈرن ہارٹ سرجری پروگرام کے تحت بچوں کے دل کی 13550 مفت سرجریاں مفت مکمل۔پنجاب میں ادویات 7 لاکھ 28 ہزار مریضوں کو انکی دہلیز پر مفت ادویات فراہم کی گئیں۔
بریفنگ کے مطابق نواز شریف انسٹی ٹیوٹ آف کارڈیالوجی سرگودھا کا کیپیٹل ورک مکمل ہو گیا، نواز شریف انسٹی ٹیوٹ آف کارڈیالوجی سرگودھا کا 15 جولائی کو افتتاح کرنے کی منظوری دے دی گئی ،وزیراعلیٰ مریم نواز شریف نے نواز شریف انسٹی ٹیوٹ آف کارڈیالوجی سرگودھا کے تعمیراتی معیار کو سراہا ۔
یہ بھی پڑھیں: اسپتال کی نرسری سے بچہ اغوا
وزیراعلیٰ مریم نواز نے کہا نواز شریف انسٹی ٹیوٹ آف کارڈیالوجی سرگودھا کو دیکھ کر ایسا لگ رہا ہے کہ سعودی عرب کا کوئی بڑا ہسپتال ہے۔ نواز شریف انسٹی ٹیوٹ آف کینسر ٹریٹمنٹ اینڈ ریسرچ کا پیکیج اے اور بی 31 جولائی کو مکمل ہو جائے گا۔
وزیراعلیٰ پنجاب مریم نواز کا کہناہے اسپتالوں کے ڈائریکٹرز بہت ایفیشینٹ ہونے چاہئیں باہر سے آنے والے سپیشلسٹ ڈاکٹرز اور نرسزکو بہترین پیکج دیا جائے گا-نرسنگ کیئر ہر چیز بدل دیتی ہے-نواز شریف کینسر ہسپتال میں جو بہترین ٹرینڈ ڈاکٹر یا نرس آنا چاہتا ہے تو آ جائیں۔پنجاب میں بیسٹ ہیومن ریسورس لانا میرا مشن ہے۔
