اسلام آباد ( پاک ترک نیوز) نادرا نے جعلی و مشکوک شناختی دستاویزات کے خلاف کریک ڈاؤن تیز کر دیا ،خیبرپختونخوا میں مزید 1152 سے زائد مشکوک شناختی کارڈ ہولڈرز کو نوٹسز جاری کر دیئے گئے،نیشنل ڈیٹا بیس اینڈ رجسٹریشن اتھارٹی ریجنل ہیڈ کواٹر پشاور نے ابتدائی فہرست جاری کردی۔
پشاور کے 874،چارسدہ کے 192، ٹانک کے 81 رہائشیوں۔تورغر کے 2 اور جہلم کے ایک مشکوک شناختی کارڈ ہولڈر کو نوٹس جاری کیا گیا ،مشکوک افراد کو2 ہفتوں میں نادرا بورڈ کے سامنے پیش ہونے کی ہدایت کی گئی ہے۔
نادرا حکام کے مطابق مقررہ وقت میں پیش نہ ہونے والوں کے شناختی کارڈ بلاک کیے جائیں گے،غیر قانونی طور پر پاکستانی شناختی کارڈ بنانے والے عناصر کے خلاف بھی کارروائی شروع کر دی گئی ،افغانستان کے پاسپورٹ پر بیرون ملک جانے والے پاکستانیوں کی چھان بین شروع ہو گئی۔
