اسلام آباد ( پاک ترک نیوز) سپریم کورٹ میں بانی پی ٹی کی ملاقاتوں پر پابندی پر توہین عدالت کی اپیلوں پر سماعت ہوئی ۔
عدالت نے سلمان اکرم راجہ اور مشعال یوسفزئی کی درخواستوں پر عدالت نے سپرنٹنڈنٹ اڈیالہ جیل ، ہوم سیکرٹری پنجاب، ایڈوکیٹ جزل اسلام آباد ، پنجاب کو نوٹسز جاری کر دیئے، تین ہفتوں میں جواب طلب کر لیا گیا۔
،جسٹس محمد علی مظہر کی سربراہی میں تین رکنی بینچ نے سماعت کی۔سلمان اکرم راجہ نے بانی سے ملاقاتیں نہ کرانے کے ہائیکورٹ کے فیصلے پر عدم عمل درآمد کیخلاف سپریم کورٹ سے رجوع کیا تھا۔مشعال یوسفزئی کی جانب سے بھی درخواست دائر کی گئی تھی۔
سلمان اکرم راجہ، بیرسٹر علی ظفر، عزیر بھنڈاری عدالت میں پیش ہوئے۔کیس کی مزید سماعت تین ہفتوں کیلئے ملتوی کر دی گئی۔
