جنیوا ( پاک ترک نیوز) امریکی صدر نے ایران کو تین سو ملین ڈالرز دینے کی بات جھوٹ قرار دے دی ۔کہتے ہیں یہ جھوٹی خبر ڈیموکریٹس نے پھیلائی ،ایران کے پاس ایٹمی ہتھیار نہیں ہوں گے ۔
امریکی نائب صدر جے ڈی وینس کا کہناہے تہران کو تعمیر نو کے لیے تین سو ملین ڈالر کچھ شرائط کے ساتھ مل سکتے ہیں، پیسے خلیجی اتحادی ملک دیں گے، ایران ذمہ داریوں اور وعدوں کی پاسداری کرے تو اس فنڈ سے فائدہ اٹھا سکتا ہے ۔
امریکی نائب صدر نے کہا ایران کو چوبیس ارب ڈالر کے منجمد اثاثے جاری کرنا مسودے میں شامل نہیں ، امریکا ایران مفاہمت کی یاداشت عام سی دستاویز ہے جو تقریباً ڈیڑھ صفحے پر مشتمل ہے۔ معاہدے کی تفصیلات مزید بات چیت کے دوران طے کی جائیں گی۔ کئی اہم نکات پر تکنیکی سطح کی بات چیت ہوگی۔
