واشنگٹن ( پاک ترک نیوز) پینٹا گون نے چین کی چند بڑی ٹیکنالوجی اور صنعتی کمپنیوں پر چینی فوج کی معاونت کا الزام لگاتے ہوئے قومی سلامتی کے لیے خطرہ قرار دے دیا۔
پینٹاگون کی جانب سے جاری کردہ فہرست میں چینی ای کامرس کمپنی علی بابا، سرچ انجن کمپنی بائیڈو اور الیکٹرک گاڑیاں بنانے والی معروف کمپنی بی وائی ڈی شامل ہے۔
پینٹاگون کی تازہ فہرست میں چینی میموری چپ بنانے والی دو بڑی کمپنیوں چانگ شن میموری اور یانگ زے میموری ٹیکنالوجیز کو بھی دوبارہ شامل کر لیا گیا۔
امریکی حکام کا کہنا ہے یہ کمپنیاں کسی نہ کسی طریقے سے پیپلز لبریشن آرمی کی مدد کر رہی ہیں ۔دوسری جانب واشنگٹن میں چینی سفارت خانے نے فوری طور پر کوئی ردعمل نہیں دیا۔
امریکی صدر ڈونلڈ ٹرمپ اور چینی صدر شی جن پنگ کی گزشتہ ماہ ملاقات کے باوجود دونوں طاقتوں کے درمیان ٹیکنالوجی کی دوڑ اور کشیدگی برقرار ہے۔
