اسلام آباد (پاک ترک نیوز )وفاقی کابینہ کی اقتصادی رابطہ کمیٹی کا اجلاس کل صبح 10 بجے ہو گا۔ وزیر خزانہ محمد اورنگزیب اقتصادی رابطہ کمیٹی کے اجلاس کی صدارت کریں گے۔
دستاویز کے مطابق کابینہ ڈویژن کیلئے 70 کروڑ 62 لاکھ روپے کی اضافی گرانٹ کی منظوری ایجنڈے میں شامل ہے۔پاکستان پورٹس اتھارٹی کیلئے 52 کروڑ 80 لاکھ روپے اضافی فنڈز کی منظوری بھی شامل ہے۔ پاک بحریہ کے ہینگر منصوبے کیلئے اضافی فنڈز کی منظوری بھی ایجنڈے کا حصہ ہے۔
اسلام آباد میں سیکیورٹی انتظامات کیلئے 68 کروڑ 92 لاکھ روپے کی منظوری بھی ایجنڈے کا حصہ ہے۔ ترلائی دھماکے کے متاثرین کیلئے امدادی پیکیج کی ای سی سی سے منظوری لی جائے گی۔انسداد اسمگلنگ آپریشن کیلئے فاسٹ پٹرول بوٹس خریدنے کی تجویز بھی ایجنڈے کا حصہ ہے جبکہ وزارت داخلہ کی پی ایس ڈی پی کیلئے اضافی فنڈز کی درخواست بھی زیر غور آئے گی۔نیکٹا کیلئے 15 کروڑ روپے کی اضافی گرانٹ کی منظوری بھی ای سی سی ایجنڈے کا حصہ ہے جبکہ ریکوڈک منصوبے کی سیکیورٹی ادائیگیوں کیلئے 341 کروڑ روپے کی منظوری بھی شامل ہے۔
کراچی اور حیدرآباد پیکیج کیلئے پی ایس ڈی پی فنڈز کی منتقلی بھی زیر غور آئے گی۔ خیبر پختونخوا منصوبوں کیلئے پی ایس ڈی پی فنڈز منتقل کرنے کی تجویز بھی شامل ہے۔
