راولپنڈی (پاک ترک نیوز )دنیا کے بلند ترین محاذِ جنگ سیاچن کی تاریخ کےاہم معرکہ چُمک آپریشن کو37 سال مکمل ہو گئے ،سیاچن کی تاریخ کے اہم معرکہ آپریشن چُمک میں پاکستانی فوج کے بہادر بیٹے نے تاریخ رقم کر دی
1989کے اوائل میں بھارتی فوج نے سیاچن کی اہم ترین بلند اسٹریٹجک چوٹیوں پر قبضہ کرنے کا ناپاک منصوبہ بنایا۔ سخت موسمی حالات میں اپریل 1989 کولیفٹیننٹ نوید الرحمن کو ہیلی کاپٹرسلنگ کیساتھ 25 ہزارفٹ کی بلندی پراتارا گیا،پاک فوج کے بہادرافسر نے محض ایک سپاہی کے ہمراہ دشمن کی مذموم سازش کو ناکام بنا دیا
تیرہ مئی 1989 کو بھارت نے شکست تسلیم کرتےہوئےجنگ بندی کی درخواست کی جس کے بعدبھارتی فوج سابقہ جگہ پر واپس چلی گئی،
پاک فوج کے بہادرسپوت میجر(ر) نویدالرحمان ستارہ جرأت کا کہنا تھا کہ میں نے دنیا کی سب سے بلند پوسٹ21 ہزار 400 کی بلندی پر قائم کی، چُمک آپریشن کے لیے میں نے اپنے آپ کو رضا کارانہ طور پر پیش کیا، چُمک آپریشن میں انتہائی سخت ترین حالات کے دوران ازلی دشمن بھارت کا مرادنہ وار مقابلہ کیا۔پاک فوج نے بہترین حکمت عملی کے باعث مشکل ترین برفانی محاذ پر بھارت کو سیز فائر کی درخواست پر مجبور کر دیا
میجر جنرل (ر) محمد فاروق ملک ہلال امتیاز ملٹری نے کہا بطور پلاٹون کمانڈر میں نے میجر نوید میں لڑنے کا جذبہ دیکھا جس کا چمک آپریشن میں عملی مظاہرہ میرے لیے باعث فخر ہے۔غازیانِ چُمک آپریشن کو بے مثال بہادری کے اعتراف میں ستارہ جرأت سے نوازا گیا
سیاچن پر اہم معرکہ چمک آپریشن کو 37سال مکمل
