راولپنڈی (پاک ترک نیوز )جی آئی ایس پی آر لیفٹیننٹ جنرل احمد شریف چودھری کا کہنا ہے دہشت گردوں سے اب بات چیت کی کوئی گنجائش نہیں ۔ دہشت گردوں کو ہتھیار ڈالنے ہوں گے ورنہ ہم انہیں ختم کر دیں گے ۔
ڈی جی آئی ایس پی آر لیفٹیننٹ جنرل احمد شریف چودھری نے نیوز بریفنگ میں کہا افغان طالبان رجیم دہشت گردوں کو سپورٹ کر رہی ہے، بھارت اور افغانستان کا مشترکہ ایجنڈا دہشت گردی ہے۔ بم دھماکوں میں افغان باشندے ملوث ہیں ،
ڈی جی نے کہا رواں سال 40ہزار348انٹیلی جنس بیسڈ آپریشن کیےگئے، 2ہزار84دہشت گردوں کوجہنم واصل کیاگیا،بلوچستان میں31ہزار80،خیبرپختونخوا میں7ہزار177آپریشن کیےگئے،پاکستان کے دیگرعلاقوں میں صرف2ہزار91آپریشن کیےگئے،رواں سال بم دھماکوں کے28واقعات ہوئے،ڈی جی آئی ایس پی آر
ڈی جی آئی ایس پی آر لیفٹیننٹ جنرل احمد شریف چودھری نے کہا بلوچستان کا مسئلہ وہاں کے سردار اور ایلیٹ ہیں۔ سردار چاہتے ہیں کہ ہزار ارب کے بجٹ میں حصہ ملے لیکن نہیں دیں گے ۔
ڈی جی نے کہا سردار کہتے ہیں ہمیں حصہ نہیں دو گے تو دہشت گردی کرائیں گے ،سردار لیویز کو ذاتی فورس سمجھتے ہیں ریاست ہے تو سیاست ہے ،ریاست ہے تو جان اور نام ہے ،بلوچستان کے حوالے سے جان بوجھ کر پروپیگنڈا کیا جا ر ہا ہے۔
ڈی جی نے کہا پاکستان میں آئین اورقانون سب کیلئےیکساں ہے ۔ آئین اور قانون کے مطابق تمام معاملات بلا تفریق چلائیں گے تو یہ ہارڈ اسٹیٹ ہو گی۔ ریاست کے ساتھ وفاداری ہر شہری کا بنیادی فرض ہے۔ پاکستان ہی ہماری پہلی اور آخری پہچان ہے۔
