ڈھاکہ ( پاک ترک نیوز) دو میچوں پر مشتمل سیریزکے پہلے ٹیسٹ میچ میں پاکستانی ٹیم پر شکست کے سائے منڈلانے لگے ۔
تفصیلات کے مطابق دو میچوں پر مشتمل سیریز میں پاکستانی بیٹنگ لائن لڑکھڑا گئی ،268رنز کے ہدف کے تعاقب میں 154پر 7کھلاڑی پویلین لوٹ گئے۔
پاکستان کو جیت کیلئے مزید 114رنز درکار ہیں اور اس کی تین وکٹیں باقی ہیں۔
اس سےقبل بنگلہ دیش نے دوسری اننگز میں 240رنز 9وکٹوں کے نقصان پر اننگز ڈیکلیئر کردی تھی اور شاہینوں کو جیت کیلئے 268رنز کا ہدف دیا تھا ۔
قبل ازیں بنگلہ دیش نے پہلی اننگز میں 413رنز بنائے تھے جس کے جواب میں پاکستان بیٹنگ لائن 385رنز بنا کر پویلین لوٹ گئی تھی ۔
واضح رہے کہ دو میچوں پر مشتمل سیریز کا دوسرا ٹیسٹ میچ 16مئی سے شروع ہو گا ۔
